The Nadiad Education Society Recruitment: ગુજરાત રાજ્યના વિવિધ કોલેજોમાં નોકરીની તકોની રાહ જોઈ રહેલા ઉમેદવારો માટે ખુશખબર છે. ઘી નડીઆદ એજ્યુકેશન સોસાયટી સંચાલિત નડીઆદની વિવિધ અનુદાનિત કોલેજોમાં વર્ગ–3 ની જગ્યાઓ ભરવા માટે ઉચ્ચ શિક્ષણ વિભાગના નાયબ નિયામકશ્રી, ગાંધીનગર તરફથી 23/09/2025ના રોજ સત્તાવાર NOC મંજૂર થયેલ છે. આ મંજૂરી બાદ સોસાયટી હેઠળની ચાર અલગ-અલગ કોલેજોમાં જુનિયર ક્લાર્ક, હેડ ક્લાર્ક, સિનિયર ક્લાર્ક અને લેબ આસિસ્ટન્ટ જેવી પ્રશાસકીય અને ટેક્નિકલ જગ્યાઓ માટે યોગ્ય ઉમેદવારો પાસેથી અરજીઓ આમંત્રિત કરવામાં આવી છે. આ ભરતી પાંચ વર્ષ માટે ફિક્સ પગારના આધારે કરવામાં આવશે અને તમામ પ્રક્રિયા રાજ્ય સરકાર તથા ગુજરાત ગૌણ સેવા પસંદગી મંડળના નિયમો અનુસાર રહેશે.
મહત્વની તારીખ
આ ભરતી માટે અરજી કરવાની પ્રક્રિયા 20 નવેમ્બર 2025થી સત્તાવાર રીતે શરૂ થશે અને ઉમેદવારોને તેમની અરજી 05 ડિસેમ્બર 2025 સુધી Speed Post દ્વારા મોકલવી ફરજિયાત રહેશે. આ નિર્ધારિત તારીખ અંતિમ ગણાશે અને 05 ડિસેમ્બર 2025 પછી મળતી કોઈપણ અરજી સ્વીકારવામાં નહીં આવે. તેથી ઉમેદવારોને સલાહ આપવામાં આવે છે કે અંતિમ દિવસની રાહ ન જોઈને જરૂરી દસ્તાવેજો સાથે પોતાની અરજી વહેલી તકે મોકલી દેવી, જેથી પોસ્ટલ વિલંબ, દસ્તાવેજોની ખામી અથવા અન્ય કારણોસર અરજી રદ ન ગણાય. દરેક પદ અને અલગ-અલગ કોલેજ માટે જરૂરી અરજીના નમૂનાઓ અને ભરતી સંબંધિત અન્ય વિગતવાર માહિતી સંબંધિત કોલેજોની સત્તાવાર વેબસાઈટ પર ઉપલબ્ધ છે, જેની સમયસર તપાસ કરીને અરજી પ્રક્રિયા પૂર્ણ કરવી અત્યંત જરૂરી છે
પોસ્ટનું નામ અને જગ્યાઓની સંખ્યા
ઘી નડીઆદ એજ્યુકેશન સોસાયટીની ચાર કોલેજોમાં કુલ વિવિધ જગ્યાઓની ભરતી જાહેર થઈ છે. સી.બી. પટેલ આર્ટ્સ કોલેજ, નડીઆદમાં જુનિયર ક્લાર્કની 1 OPEN જગ્યા અને હેડ કલાર્કની 1 OPEN જગ્યા મંજૂર છે. એમ.એસ. ભગત અને સી.એસ. સોનાવાલા લો કોલેજ, નડાઈદામાં SEBC કેટેગરી માટે 1 જુનિયર ક્લાર્કની જગ્યા છે. શ્રી આઈ.વી. પટેલ કોલેજ ઓફ કોમર્સ, નડીઆદમાં 1 હેડ ક્લાર્કની OPEN જગ્યા ઉપલબ્ધ છે. જે એન્ડ જે કોલેજ ઓફ સાયન્સ, નડીઆદમાં સિનિયર ક્લાર્કની 1 OPEN જગ્યા ઉપરાંત લેબ આસિસ્ટન્ટ માટે કુલ 6 જગ્યાઓ છે જેમાં કેમિસ્ટ્રી માટે 1 OPEN અને 1 SEBC, ફિઝિક્સ માટે 1 OPEN અને 1 SEBC તથા માઈક્રોબાયોલોજી માટે 2 OPEN જગ્યાઓ જાહેર કરાઈ છે. આ તમામ જગ્યાઓ વર્ગ–3 કેડરના પદો છે અને પ્રશાસન તેમજ પ્રયોગશાળાના કાર્યો માટે અત્યંત જરૂરી છે.
પગાર ધોરણ
બધા પદો માટે પગારધોરણ પાંચ વર્ષ માટે ફિક્સ પગાર રૂપે નક્કી કર્યો છે. જુનિયર ક્લાર્ક પદ માટે પ્રતિ માસ રૂ. 26,000/-, જ્યારે હેડ ક્લાર્ક પદ માટે રૂ. 40,800/- ની રકમ નક્કી કરવામાં આવી છે. સિનિયર ક્લાર્ક માટે પણ ફિક્સ પગાર રૂ. 26,000/- રહેશે. લેબ આસિસ્ટન્ટ માટે ચૂંટાયેલા ઉમેદવારને પ્રતિ માસ રૂ. 26,000/- નો ફિક્સ પગાર પાંચ વર્ષ સુધી મળશે. પાંચ વર્ષ પૂર્ણ થયા બાદ સેવા સમીક્ષા કરાશે અને યોગ્ય જણાશે તો નિયમિતીકરણ કરવામાં આવી શકે છે. ફિક્સ પગાર દરમિયાન કોઈપણ પ્રકારના વધારાના ભથ્થાં અથવા લાભ મળવાના નથી.
પસંદગી પ્રક્રિયા
આ ભરતી સંપૂર્ણપણે રાજ્ય સરકાર અને GSSSB દ્વારા નક્કી કરાયેલા નિયમો મુજબ કરવામાં આવશે. ઉમેદવારો માટે લેખિત પરીક્ષા ફરજિયાત રહેશે જેમાં પ્રશ્નપત્રનું અભ્યાસક્રમ અને માળખું GSSSB ના નિયમો અનુસાર રહેશે. મેળાવેલી મેરિટ, લાયકાત અને દસ્તાવેજોની ખાતરી બાદ અંતિમ પસંદગી કરવામાં આવશે. જો વિદ્યાર્થી સંખ્યા ઘટે અથવા સંસ્થા દ્વારા જગ્યા રદ થાય તો ફાજલનું રક્ષણ મળતું નથી. પાંચ વર્ષની સેવા પૂર્ણ થયા પછી કામગીરીના મૂલ્યાંકન બાદ જ ઉમેદવારને નિયમિત કરવા અંગે નિર્ણય લેવામાં આવશે.
વય મર્યાદા
વર્ગ–3 પદો માટે રાજ્ય સરકાર અને GSSSB દ્વારા નક્કી કરેલી ઉંમર મર્યાદા લાગુ રહેશે. સામાન્ય રીતે ઉમેદવારની ઉંમર 20 થી 35 વર્ષ વચ્ચે હોવી જરૂરી છે. રિઝર્વ કેટેગરીના ઉમેદવારોને રાજ્ય સરકારના નિયમો અનુસાર ઉંમરમાં છૂટછાટનો લાભ મળી શકે છે. લેબ આસિસ્ટન્ટ, ક્લાર્ક અને હેડ ક્લાર્ક માટે ઉંમરનું મૂલ્યાંકન સંપૂર્ણપણે સરકારશ્રીના નિયમો મુજબ થશે.
શૈક્ષણિક લાયકાત અને અનુભવ
જુનિયર ક્લાર્ક અને હેડ ક્લાર્ક પદો માટે ઉમેદવાર પાસે સરકારશ્રીના નિયમો મુજબની સ્નાતક ડિગ્રી ફરજિયાત છે. જુનિયર ક્લાર્ક, હેડ ક્લાર્ક અને સિનિયર ક્લાર્ક પદો માટે રાજ્ય સરકારની માન્ય સંસ્થાની કમ્પ્યુટર પરીક્ષા પાસ કરવી જરૂરી છે. લેબ આસિસ્ટન્ટ પદ માટે સંબંધિત વિષયમાં સ્નાતક જેવી કે કેમિસ્ટ્રી, ફિઝિક્સ અથવા માઇક્રોબાયોલોજીમાં ગ્રેજ્યુએશન ફરજિયાત છે. તમામ પદો માટે જરૂરી દસ્તાવેજોની સ્વપ્રમાણિત નકલો અરજી સાથે જોડવી પડશે, નહીં તો અરજી અમાન્ય ગણાશે.
અરજી ફી
આ ભરતી માટે બિનઅનામત કેટેગરી (OPEN)ના ઉમેદવારોને રૂ. 500/-, જ્યારે SEBC સહિત અનામત કેટેગરીના ઉમેદવારોને રૂ. 400/- ની નોન-રીફંડેબલ પ્રોસેસિંગ ફી Demand Draft સ્વરૂપે ભરવી જરૂરી છે. Demand Draft The Nadiad Education Society ના નામે જ હોવો જોઈએ. ફી ભર્યા વગર મોકલેલી અરજીઓ સ્વીકાર્ય ગણવામાં નહીં આવે.
અરજી પ્રક્રિયા
ઉમેદવારોએ ભરતી સંબંધી નિયત નમૂનો સોસાયટીની સંચાલિત કોલેજોની વેબસાઈટ એટલે કે www.ivcommerce.org, www.cbpatelartscollege.edu.in, www.jandjscience.org અથવા www.bhagatandsonawalalawcollege.com પરથી મેળવી, તેને સ્વહસ્તાક્ષરમાં પૂર્ણ કરવાનું રહેશે. અરજી Speed Post દ્વારા જ મોકલવાની રહેશે અને અરજી સાથે તમામ પ્રમાણપત્રોની સ્વપ્રમાણિત નકલો, Demand Draft, તાજેતરનો પાસપોર્ટ સાઇઝનો ફોટો તેમજ પોતાના સરનામાવાળું 9×4 ઇંચનું કવર રૂ. 40/- ની ટપાલ ટિકિટ સાથે જોડવું ફરજિયાત છે. જો ઉમેદવાર એકથી વધુ કોલેજ અથવા પદ માટે અરજી કરવા ઇચ્છે તો દરેક જગ્યા માટે અલગ અરજી અને અલગ ફી ભરવી આવશે. અધૂરી અથવા સમયમર્યાદા બાદ મળતી અરજીઓ આપમેળે રદ ગણાશે.
અરજી કરવા માટે જરૂરી લિંક:
| જાહેરાતની માહિતી માટે | અહીં ક્લિક કરો |
| mahitistation.com પર જવા માટે | અહીં ક્લિક કરો |
નોંધ: મિત્રો, અમારા દ્વારા લખવામાં આવેલ માહિતીમાં કોઈ ભૂલ પણ હોઈ શકે છે જેથી સંપૂર્ણ માહિતી સત્તાવાર સ્ત્રોત્ત પર ચકાસી ત્યારબાદ અરજી કરવા વિનંતી.
Nirupama Patel holds an MBA in Marketing and has been creating educational and informational content for the last 5 years. She focuses on government jobs, schemes and helpful guides, using official notifications and trusted sources to ensure accuracy for readers.
📍 Gujarat, India